sábado, 29 de abril de 2017

CONCURSO ESCOLAR ONCE: "TODOS SOMOS DIFERENTES, NON INDIFERENTES"



Baixo o lema “Somos diferentes, non indiferentes” os alumnos e alumnas do CPI As Mirandas de Ares e do CPI Plurilingüe Virxe da Celade Monfero, uniron esforzos para elaborar e realizar  unha serie de vídeos para o Concurso Escolar Once.  Este ano desde a ONCE pretendeuse que o alumnado desenvolvese un modelo de convivencia baseado nos valores cívicos como o respecto, tolerancia e igualdade, aprendendo a tratarse asertivamente e previndo modelos xerarquizados de acoso escolar ou bullying.
Na convivencia non ten cabida o sufrimento, o rexeitamento ou a pasividade, convivir é abrir a porta ao encontro cos que nos rodean, estar dispostos a escoitar, empatizar e impregnarnos das súas vivencias. Este concurso quere contribuír a sensibilizar á comunidade educativa, especialmente ao alumnado, da importancia de convivir democraticamente con todos aqueles que nos rodean. Todos somos dignos de ser recoñecidos (non ignorados) e tratados con respecto dadas as nosas diferenzas (étnicas, sexuais, por razón de discapacidade, relixiosa...). 

  Ante o acoso,  “Todos somos diferentes, non indiferentes”







domingo, 23 de abril de 2017

23 DE ABRIL, DÍA DO LIBRO


MES DE ABRIL: CADA DÍA UN LIBRO.

Neste mes do libro decidimos recomendar, na pizarra que hai na entrada do centro, un libro da biblioteca cada día. Estes son os do xoves día 6 e venres día 7. Sabes que libros son? E sabes onde atopalos?


jueves, 6 de abril de 2017

OBRADOIRO DE LINGUA DE SIGNOS (LSE) NO CPI AS MIRANDAS

Onte  rematou no noso cole o obraoiro de LSE organizado por la AXF (Asociación de persoas xordas de Ferrol) e dirixido ao alumnado de primaria. Durante os meses de marzo e  abril, a Especialista en LSE, Teresa Gallo e a Educadora Social, Ofir Barcia, da AXF, estiveron impartindo un obradorio de LSE de dez horas de duración .
 Este obradorio  estivo enmarcado  dentro das actividades extraescolares que organiza a ANPA Ramón Pimentel do noso colexio.

 O resultado foi moi  positivo, o alumnado aprendeu signos básicos da lingua de signos,  que é un intérprete de lingua de signos e moitas cousas máis.