miércoles, 23 de diciembre de 2015

BO NADAL

COS NOSOS TRABALLOS DE PLÁSTICA ,FEITOS CON MOITO CARIÑO, QUEREMOS DESEXAR QUE PASEDES UNHAS FELICES FESTAS. ALUMNOS DE 5º e 6º

jueves, 17 de diciembre de 2015

jueves, 10 de diciembre de 2015

SESIÓN DE CONTACONTOS NO DÍA DOS DEREITOS HUMANOS

Hoxe 10 de decembro celébrase o Día dos Dereitos Humanos, e para conmemorar esta data tan importante os alumnos e alumnas da ESO realizaron unha actividade de contacontos para os pequerrechos de infantil. Decir que este contacontos retomarase á volta das vacacións para que todos os alumnos de primaria poidan gozar desta historia que tan ben ilustraron, escribiron e contaron as alumnas de 4º da ESO. (Ana Martínez, Mayolla Martínez, Paola Toribio, Alba Teijeiro e Lara Rey)
A través do conto “Antón, o neno que non quería ir á escola”, descubrimos á importancia da educación, o que supón non saber ler nin escribir e a sorte que temos de poder ter uns mestres e mestras que nos ensinan tantas cousas. 
Tamén nos axuda a comprender que debemos  aproveitar a oportunidade que temos de ir á escola e esforzarnos por aprender para ter un futuro mellor, non como Antón, o protagonista do noso conto, que non tiña ningún interese en aprender ata que descubríu o importante que era saber ler.

Hoxe en día a pesar de que o dereito á  educación está ampliamente recoñecido en numerosas Convencións e Tratados Internacionais, hay 57 millóns de nenos  e nenas en todo o mundo que non van á escola e outros  tantos reciben unha educación discontinua ou deficiente.
Nós temos garantido este dereito, en outros países non o teñen. Aproveitemos a oportunidade que temos de poder aprender e denunciemos  ao mesmo tempo o incumplimento do Dereito á Educación que se está a dar en tantas partes do mundo.

A EDUCACIÓN CAMBIA O MUNDO!!!

POLO DEREITO Á EDUCACIÓN DE TODOS OS NENOS E NENAS DO MUNDO

Grazas aos nenos e nenas de infantil que estiveron tan atentos coma sempre e que se foron super contentos co agasallo que levaron cada un deles: un precioso lápiz que os axudará no seu proceso de aprendizaxe.

Aquí vos deixamos o conto de Antón. 


       


        

miércoles, 2 de diciembre de 2015

SESIÓN DE CONTACONTOS PARA CONMEMORAR OS DÍAS DOS DEREITOS HUMANOS E DEREITOS DOS NENOS.

Neste primeiro trimestre do ano hai dúas datas de suma importancia nas que se conmemoran, por un lado “O Día dos dereitos dos nenos” (20 de novembro) e por outro, o “Día dos Dereitos Humanos” (10 decembro).  Por iso o alumnado da ESO convida a todos os nenos e nenas de Educación Primaria e Infantil á representación do conto “Antón: o neno que non quería ir á escola”.
O conto ilustrado integramente por Ana Martínez Fernández coa colaboración de Paola Toribio e adaptado ao galego por  Mayolla Martínez Dragó é unha historia para reflexionar sobre a importancia da educación.  Este dereito é un dereito fundamental que todos os nenos e nenas do mundo deben ter, xa que lles permite adquirir coñecementos e alcanzar así unha vida social plena. Ademais o dereito á educación é vital para o desenvolvemento económico, social e cultural de todas as sociedades. Sen embargo continúa sendo inaccesible para milleiros de nenos e nenas do mundo.

A través do conto de Antón descubriredes á importancia deste dereito: un dereito fundamental e universal.                                   
                                                                     Esperámosvos!!!
              
As sesións realizaranse na sala de usos múltiples de secundaria.

Organizan e colaboran: Departamento de EDLG, Departamento de Reli, Departamento de Lingua Galega.



OBRADOIRO DE COMUNICACIÓN ORAL: PRESENTÁMONOS COA MÚSICA

Os nenos e nenas de 4º de primaria dánsenos a coñecer empregando a música e a súa creatividade. Escoitade que ben o fan!!!!


A PALABRA XUSTA: UNHA DEFENSA APAIXOADA DO OFICIO DE MESTRE


Hoxe queremos compartir con vós o trailer do documental A Palabra Xusta. Unha película na que Antía Cal fai unha defensa apaixoada do oficio de mestre. Nas palabras desta muller de 92 anos está a sabedoría dos que se enfrontan todos os días á educación e á formación dos nenos e mozos.

                                                       
                                                        Vale a pena ver a súa testemuña!!!

Picade na imaxe para velo.

h






V CARREIRA QUILÓMETROS DE SOLIDARIEDADE

Polos dereitos da infancia


Un ano máis o noso centro organiza a V Carreira Quilómetros de Solidariedade. Esta carreira, enmarcada dentro das actividades solidarias do noso colexio, é unha actividade con dobre finalidade: por unha banda, espertar nos nosos alumnos e alumnas un espírito crítico e solidario cara as inxustizas que afectan a millóns de nenos e nenas de todo o mundo e, por outra banda, recadar fondos en colaboración coa ONG “Save the Children” para axudar á infancia mais desfavorecida e facer que se respecten os seus dereitos.
Nesta actividade solidaria,  o alumnado aboará 1 € por inscribirse na carreira e recibirá un dorsal, un carné de corredor e un diploma acreditativo de participación. Pola súa banda, o que “voluntariamente” queira buscar patrocinadores entre os seus familiares ou achegados, poderá facelo recollendo as súas aportacións a través do carné de corredor. Este ano a recadación irá a parar a través de Save the Children aos programas de desenvolvemento e emerxencia que esta ONG  leva a termo para combater a desnutrición infantil nos países máis empobrecidos.
Un ano mais, a atleta aresán Paula Mayobre  estará connosco  e  apoiará esta causa coa súa presenza,  participando na xornada con todos os rapaces e rapazas do noso centro.

ORGANIZACIÓN

ESO: Saída as 10:30 horas. Ruta: Colexio, Igrexa, Porto deportivo, Paseo marítimo, Parque infantil Rosalía de Castro, volta ao colexio polo muelle.

Primaria: Saída do colexio as 11:30 horas. As carreiras faranse por categorías no paseo marítimo dirección nautico a partir das 11:45 horas.

Infantil: A carreira terá lugar as 13:00 horas no pavillón do colexio.

 Agradecemos a todo o alumnado a súa participación e  solidariedade e invitamos a todos os pais e nais a que o xoves 17 de decembro, saian a rúa a apoiar aos nosos corredores solidarios.

OPERACION QUILO DE NADAL

Estimadas familias: Como xa é toda unha tradición no noso centro, un ano máis solicitamos a vosa colaboración para levar a termo a OPERACIÓN QUILO DE NADAL. Esta actividade centrada na educación en valores e educación para o desenvolvemento, ten como obxectivo fundamental sensibilizar ao alumnado e en xeral a toda a comunidade educativa. Estamos ante unha época na que diversas institucións como Cáritas ou a Cociña Económica seguen demandando a colaboración de toda a sociedade, e estamos ante unha ocasión marabillosa para aportar o noso gran de area.
 Así pois, alumnado, profesorado e familias poderán contribuír de maneira voluntaria aportando calquera alimento non perecedeiro, dende novembro ata o 11 de decembro. A partir desta data os alimentos serán levados á Cáritas de Ares e á Cociña Económica de Ferrol. Agradecemos unha vez máis o voso compromiso e participación.

 GRAZAS POLA VOSA COLABORACIÓN


sábado, 28 de noviembre de 2015

NEIRA VILAS: SEMPRE NA MEMORIA

Morreu no día de onte, o último dos chamados "renovadores da prosa galega" (Fole, Blanco Amor, Cunqueiro e el), don Xosé Neira Vilas. Sempre entristece a morte, dolorosa lei de vida, dos bos e xenerosos, coma este autodefinido "xornaleiro da palabra e traballador das Letras". Reconforta, porén, a súa traxectoria vital e o seu legado. Afortunado foi o noso pobo con tódolos que no seu seo naceron, viviron, traballaron con dilixencia e dedicación e, finalmente, morreron merecedores do cariño e amor da terra.

"Eu só quería contar o que pasaba na aldea, fronte á visión idílica, bucólica e humorística que había". Sen máis. Así respondía Neira Vilas cando lle preguntaban por Memorias dun neno labrego e pola feliz excepción na nosa literatura que supoñen os seus 600.000 exemplares vendidos. Sobrábanlle as teorizacións. Só quixera -salientaba nas entrevistas- dicir a verdade. Fronte á visión chocalleira e folclórica do rural. Escoitalo a el, na súa casa de Gres, (Vila de Cruces), era, tamén, por momentos, como ouvir o seu personaxe, Balbino, décadas despois. “Coma quen dis, un ninguén”. Un “ninguén” que falou por todos os outros ninguén, que somos nós. Non só os rapaces de aldea. Anos despois, nos 70, chamáronlle literatura social-realista. Denuncia da opresión dos subalternos. Pero el xa o fixera. Coma Blanco-Amor, a quen citaba como referente. E non precisaba etiquetas.


Neira Vilas, sempre na memoria, e inmortalizado por Balbino, representante da súa obra por antonomasia.





              


lunes, 16 de noviembre de 2015

CELEBRAMOS O MAGOSTO

Dí o refraneiro popular que "A castaña ten unha maña que se vai con quen a apaña" e aínda que no noso cole non fumos a apañar as castañas, comímolas no magosto celebrado este pasado venres no noso cole. Con moita alegría, xogos e cantos, os nenos e nenas gozaron no recreo desta festa popular.

Aqui tedes o resultado da xornada!!!

                              






jueves, 5 de noviembre de 2015

Novembro: mes da CIENCIA en GALEGO nas BIBLIOTECAS

Aquí vos deixamos un enlace a través do cal poderedes acceder a unha interesante recompilación de materiais de ciencia en galego.


PREMEDE NA IMAXE PARA ACCEDER A EL

miércoles, 4 de noviembre de 2015

ANTOLOXÍA POÉTICA MULTIMEDIA

Premendo na imaxe accédese a unha selección de poemas musicados, cantados o recitados, para o traballo na aula. Atopamos poemas de Rosalía de Castro, Bécquer, Antonio Machado, Dámaso Alonso, Gloria Fuertes...En fin... un verdadeiro tesouro da nosa poesía.


sábado, 31 de octubre de 2015

CHEGA O SAMAIN

Chega o Samain e  con el as castañas, as caveiras de melón, os calacús, os cogumelos, os froitos de inverno; chegan as augas e mergullámonos no inverno, vaise a calor e vén o frío: son os tempos do Samaín. A que isto escribe pasou esta semana a facer unha visitiña por infantil e primaria e a verdade que quedei abraiada por todas as cousas que @s profes xunto cos seus alumn@s estiveron a facer.
No seguintes vídeo podedes ver as cousiñas que os nenose nenas do noso cole, fixeron neste outono para celebrar o samaín.

              
    

                           


E  Para que teñades unha idea acerca desta festa, a continuación poderedes ler un texto sobre a Santa Compaña. Que disfrutedes TERRORIFICAMENTE!!! 

A SANTA COMPAÑA


Segundo a tradición galega, a procesión da Sta. Compaña está composta por espectros de mortos ou almas en pena.
Os espíritus dos mortos saen cada noite sobre as doce partindo dunha igrexa e marchan en dúas ringleiras portando fachos.
A procesión vai encabezada por unha persoa viva portando unha cruz.
O portador da cruz non pode en ningún momento volver a vista nin renunciar ao seu posto durante toda a súa vida. Só quedará liberado cando cruce no seu camiño con outra persoa a quen lle entregar a cruz.
Para evitar reemprazar ao portador da cruz, as persoas que se atopen coa Santa Compaña deben trazar un círculo no chan e meterse dentro del ou botarse boca abaixo.
Tamén deben permanecer en silencio para que os espíritus non se percaten da súa presenza.

Xa sabedes. Se vos atopades coa Santa Compaña... SILENCIO!  non vaia ser que vos vexan.

lunes, 26 de octubre de 2015

DÍA DA CIENCIA EN GALEGO

























Con motivo da celebración do VI Día da Ciencia en Galego o vindeiro mércores 4 de novembro, a Coordinadora Galega de ENDL convida a todos os centros educativos non universitarios a participar nunha videoconferencia vía web, na que un investigador galego da Universidade de Santiago de Compostela achegará temáticas de interese curricular para o noso alumnado e os proxectos científicos que desenvolve na actualidade. Ademais de seguir a videoconferencia, os centros escolares que desexen participar terán a posibilidade de interaccionar con eles vía chat a través dunha sala virtual de fácil manexo.

martes, 29 de septiembre de 2015

PREMIO LITERARIO NORTEAR

A Consellería de Cultura, Educación e Ordenación Universitaria, a Direçao Regional de Cultura do Norte (Portugal) xunto coa Agrupación Europea de Cooperación Territorial Galicia-Norte de Portugal convocan o Premio Literario Nortear. O seu obxectivo fundamental é fomentar a creatividade literaria entre a mocidade escritora que reside na Eurorrexión Galicia-Norte de Portugal. Poden participar todas aquelas persoas nacidas en Galicia ou na Rexión Norte de Portugal con idades comprendidas entre os 16 e os 36 anos. O prazo para presentar as obras remata o 30 de setembro. Podedes consultar as bases da convocatoria:





jueves, 24 de septiembre de 2015

sábado, 20 de junio de 2015

DESPEDIMOS AOS NOSOS ALUMNOS/AS DE 4º ESO


Nun acto de despedida no que houbo tamén espazo para as bágoas que comezaron a asomar a través da lectura dalgunha carta de despedida, os alumnos e alumnas de 4º da ESO recibiron as súas respectivas orlas de fin de ciclo. No emotivo acto estiveron presentes os profesores da ESO así como compañeiros e compañeiras dos nosos rapaces que xa nos deixan despois de tantos anos neste centro.
Dende aquí queremos desexarlles de corazón, toda a sorte do mundo na nova andaina que comezan e recordarlles que sempre terán abertas as portas deste o seu colexio. Esperemos que veñan a facernos algunha visitiña de vez en cando.

En hora boa a todos eles!!!

Aquí tedes o vídeo co que o noso cole agasallou aos rapaces/as

         

ENTREGA DE DIPLOMAS DOS CONCURSOS E CERTAMES DO CURSO 2014-2015

Que mellor que o final de curso para recoñecer o traballo e a labor de todos os alumnos e alumnas, así como dos profes, que traballaron duramente ó longo do curso dinamizando e participando nos distintos certames e concursos que se levaron a termo este ano. Así  o xoves 18 de xuño celebramos no pavillón o acto de entrega de diplomas e recoñecementos ás clases e aos alumnos  pola súa participación nos concursos: O Preguntón, Portada de Libros, Mai-Art e Audiovisual  Olloboi.
Para rematar este acto os alumnos e alumnas de 1º A sorprendéronnos a todos cun musical.
Un claro exemplo de inclusión. Gracias a Luisa, Pilar e David polo voso esforzo e dedicación.






                                       

INTERPRETACIÓN DO CONTO " O INCRIBLE NENO DEVORADOR DE LIBROS"

Os alumnos de 4º  ESO  con optativa de plástica e varios alumnos de 3º ESO, volvemos ensaiar o conto, xa representado o ano pasado a finais de curso para os alumnos de infantil: “O Incrible neno devorador de libros”. Nesta ocasión fíxose a representación para os nenos de 2º e 3º de primaria. A actividade foi unha  colaboración dos departamentos de plástica, música, lingua galega e o EDLG.
Os alumnos de 4º encargáronse de crear e dar vida aos bonecos cos que representabamos a historia, e os alumnos de 3º fixéronse cargo da música e da narración da mesma.
Unha  actividade máis que nos axuda a comprender que o traballo en equipo sempre da bos resultados.
   Aquí tedes unha mostra da estupenda representación    
                   

jueves, 18 de junio de 2015

VIAXE DE 5ºe 6º

COMO VIAXE DE FIN DE CURSO, OS RAPACES DE 5º E 6º FIXEMOS UNHA SAÍDA DE DOUS DÍAS A GRANXA ESCOLA "RÍA DEL EO" EN CASTROPOL. A VIAXE FÍXOSE NO TREN,POUCAS VECES O UTILIZAMOS,POR ISO RESULTOUNOS DIVERTIDO. FOI UNHA EXPERIENCIA MOI GRATIFICANTE, FIXÉRONSE MOITAS ACTIVIDADES : TIRO CON ARCO, MONTAR A CABALO, TIROLINA, SAÍDAS EN BICI, COIDAR ANIMAIS,OBRADOIRO DE PAN, DE QUEIXO .......... E MOITAS MÁIS. A MAIORIA VOLTOU CON GANAS DE VOLVER OU DE QUEDAR UN POUCO MÁIS......... OS TITORES DÁMOSLLES AS NOSAS FELICITACIÓNS POLO VEN QUE SOUBERON ESTAR .GRAZAS RAPACES POLO VOSO COMPORTAMENTO. ¡¡¡PASADE UN O VERAN!!!!!

lunes, 15 de junio de 2015

PREMIADOS NA II EDICIÓN DO CONCURSO DE PORTADA DE LIBROS

Difícil o tivo hoxe o xurado composto por  Vilariño (profesor e debuxante autodidacta), Marisa Areal e Meli Seoane (profesoras de educación plástica) para elixir aos gañadores e finalistas  da II Edición do Concurso de Portada de Libros. Como sabedes, o concurso tiña por obxecto a creación dun deseño gráfico para a portada ou cuberta dun libro que o alumno/a tivera lido. Con esta iniciativa o Equipo de Dinamización lingüística e a Biblioteca do CPI Conde de Fenosa de Ares pretendeu fomentar a lectura e as capacidades creativas dos alumn@s e, a bó fe que o conseguiu. Presentáronse un total de preto de 140 obras nas que os alumnos/as de infantil, primaria e secundaria reflectiron a súas dotes creativas utilizando todo tipo de técnicas e materiais.
Os gañadores e finalistas por categorías foron:

1º CICLO ESO
·         Gañadora: Verónica Rodríguez (1º ESO)
·         1ª finalista: Carmen  Martínez Dragó (1º ESO)
·         2º finalista: Miguel Vilaro (1º ESO)
2º CICLO ESO
·         Gañadora: Ana Martínez (3º ESO)
·         1ª finalista: Raquel Rivera (4º ESO)
·         2º finalista: Paola Toribio (3º ESO)
INFANTIL
·         Gañador: Teo Martínez
·         1ª finalista: Claudia Varela
·         2º finalista: Yoel Díaz
1º CICLO DE PRIMARIA
·         Gañadora: Lucía Vigo
·         1ª finalista: Alba Rey  e Yaiza Lestón
·         2º finalistas: Óscar Fernández, Hugo Cartelle, Marco Espiñeira e Aketza Aranaga
2º CICLO DE PRIMARIA
·         Gañadoras: Noa Montenegro e Clara Magariños
·         1º finalista: Axel Quesada
·         2º finalista: Pablo Rodeiro
3º CICLO DE PRIMARIA
·         Gañadora: Silvia Seoane
·         Finalistas: Sofía Cao, Nacho Cao e Martín Rodríguez


En hora boa a todos e todas!!!!

domingo, 7 de junio de 2015

GAÑADORES DA V EDICIÓN DO PREGUNTÓN

Rematou a V Edición de "O Preguntón". Desde  o Equipo de Dinamización Lingüística e a Biblioteca  queremos dar a en hora boa a todos os que participáchedes nesta edición e os noso parabéns aos gañadores e finalistas. O remate do curso faremos  o acto de entrega de premios e diplomas dos diferentes concursos que estamos a realizar no cole. Moitas grazas a todos e todas pola vosa participación e xa sabedes....para o ano mais!!!.
Aquí vos deixamos os nomes dos gañadores e finalistas deste ano.





sábado, 30 de mayo de 2015

ANXO MOURE

Este xoves os nenos de Educación Infantil tivemos una sesión de animación con Anxo Moure, promovida pola nosa biblioteca Carabela coa axuda do Consorcio editorial. Pasámolo moi ben!!!!