" A MAXIA DA ROBÓTICA"

Os alumnos de 3º curso da ESO asistiron o día 10 de novembro, logo dun bo madrugón, pois saímos ás sete e media da mañá, a un taller- concurso de programación de robots LEGO en Santiago de Compostela. A actividade promoveuse ao abeiro da Semana das Ciencias. Aínda que non conseguimos premio algún, os nosos alumnos acadaron unha boa puntuación no devandito concurso e, o mais importante, aproveitaron a oportunidade para aprender os fundamentos da robótica. Asemade, aproveitamos a viaxe para visitar o Museo de Ciencias Naturais "Luís Seoane" e coñecer así unha magnifica mostra da fauna galega e distintos tipos de minerais, entre outras cousas.

Os alumnos e alumnas de 3º E.S.O. as portas da facultade donde se atopa o

Museo de Ciencias Naturais "Luís Seoane"

-----------------------------------------------------------------

CELEBRACIÓN DO SAMAÍN

-----------------------------------------------------------------------------------------------------

OUTONO: EXPOSICIÓN DE SETAS E COGUMELOS

VISITA EXPOSICIÓN "GEORGE NELSON"

O pasado 21 de outubro, mércores, as profesoras de francés, galego e plástica levamos os alumnos de 1º de ESO e 4º de ESO (plástica), á Fundación Pedro Barrié de la Maza, a ver a exposición adicada ao arquitecto e deseñador George Nelson. Fixemos unha visita guiada e máis un obradoiro.

A mostra amosa a traxectoria de George Nelson ( 1908-1986) arquitecto, deseñador, publicista, pensador. Creador de emblemáticas iconas do deseño americano dos anos 50. Deu forma tras a II Guerra Mundial ao concepto de deseño moderno especialmente adicado á casa e aos espazos de traballo.

Foi unha visita moi proveitosa e que seguimos con gran interese.

Mural feito polos alumnos no obradoiro

     Os rapaces traballando no obradoiro

A continuación podedes ver unha reportaxe fotográfica da xornada

                        

-------------------------------------------------

CONCURSO: “CREACIÓN DUNHA MASCOTA PARA O BLOGUE”

Desde o E.N.D.L. gustaríanos que colaborásedes na creación dun logotipo ou mascota que identifique e se constitúa como imaxe representativa do mesmo.

Esperamos a vosa colaboración e todas as suxestións que queirades facer.

ANIMO E MANS A OBRA...